गडचिरोली जिल्हयातील नक्षलग्रस्त भागातील काही गावातील ग्रामस्थांनी उत्स्फुर्त पुढाकाराने नक्षलवाद्यांविरुद्ध धाडस दाखवून नक्षलवाद्यांना गावबंदी केलेली आहे. अशा गावांच्या विकासासाठी प्रोत्साहनपर अनुदान देण्याची योजना सुरु करण्यात आली. यामध्ये छोट्या स्वरुपाचे रस्ते, शाळांच्या इमारती, पाणी पुरवठा योजना, विहिरी खणणे, अंगणवाडी खोलीचे बांधकाम व दुरुस्ती, पिण्याच्या पाण्यासाठी पाईपलाईन टाकणे, पाणवठा तयार करणे, बोडीचे बांधकाम व दुरुस्ती, व्यायामशाळा इ. स्वरुपात कामे घेण्यात येतील.