अनुसूचित जमातीच्या विद्यार्थ्यांना दर्जेदार शिक्षण मिळावे या हेतूने नवव्या पंचवार्षिक योजनेत भारतीय संविधानाच्या कलम 275(1) अन्वये वितरीत होणाऱ्या निधीतून आदिवासी विद्यार्थ्यांसाठी राज्यस्तरावर निवासी शाळा स्थापन करण्याचा केंद्र शासनाने निर्णय घेतलेला आहे. त्याअंतर्गत आदिवासी विद्यार्थ्यांना इंग्रजीमधून शिक्षण मिळावे याकरिता एकलव्य रेसिडेन्शियल पब्लिक स्कूल (निवासी शाळा) ही केंद्रपुरस्कृत योजना राबविली जात आहे. अशा शाळेत इयत्ता 6 वी ते 12 वी पर्यंत (सी.बी.एस.ई. अभ्यासक्रमानुसार) शिक्षण देण्यात येते. नागपूर विभागात इंग्रजी माध्यमांच्या निवासी शाळा खालीलप्रमाणे आहेत. 1. खैरी परसोडा, ता.रामटेक, जि.नागपूर 2. बोरगांव, जि.गोंदिया 3. तुमरगुंडा, ता.एटापल्ली, जि.गडचिरोली 4. देवाडा, ता.जि.गोंदिया 5. चामोर्शी, जि.गडचिरोली (सद्यस्थित-गडचिरोली येथे) 6. गेवर्धा, ता.कुरखेडा, जिल्हा- गडचिरोली (सदर शाळा चालू शैक्षणिक वर्षात इयत्ता 1 ली पासून सुरू करण्यात येत आहे.) (सद्यस्थित शासकीय आश्रमशाळा सोनसरी) अशा निवासी शाळेत विद्यार्थ्यांची निवास व्यवस्था, भोजन, गणवेश, आंथरुण-पांघरुण, पुस्तके, लेखन साहित्य इत्यादी सुविधा मोफत उपलब्ध आहेत.